Framkvæmdir og sérfræðiráðgjöf
Fjöleignir bjóða framúrskarandi þjónustu þegar kemur að heildarlausnum í rekstri og ráðgjöf við húsfélög. Fyrirtækið leitast við að ná fram hagræðingu fyrir viðskiptavini sína og leggur áherslu á persónulega þjónustu, gagnkvæmt traust og góð samskipti.
Eyþór Friðriksson framkvæmdastjóri segir að Fjöleignir bjóði þrjár leiðir fyrir húsfélög sem allar tryggja grunnrekstur og gott utanumhald, þar sem kröfur húsfélaga eru misjafnar og því býður fyrirtækið upp á leiðir sem uppfylla mismunandi þarfir.
„Í þessari leið felst umsýsla grunnreksturs húsfélaga, m.a. með innheimtu og eftirfylgni með greiðslu húsgjalda. Húsgjöld eru yfirfarin og innheimt skv.eignaskiptayfirlýsingu og fjöleignahúsalögum. Séð er um gerð ársreiknings fyrir aðalfund auk færslu bókhalds og greiðslu reikninga. Við sjáum um samskipti við banka og pössum upp á að lögveðsréttindum húsfélagsins sé fylgt eftir ef upp koma vanskil.
Á reikningum er rekjanlegt samþykktarferli og ársreikningur og önnur bókhaldsgögn eru aðgengileg á lokuðu vefsvæði. Við sækjum síðan um endurgreiðslu á vsk. vegna framkvæmda.“
„Hér er innifalin öll þjónusta úr leið eitt. Aðalfundur haldinn með fundarstjórn, fundargerð rituð og gerð aðgengileg. Við sjáum um boðun aðalfundar og uppsetningu dagskrár fyrir húsfundinn. Við útvegum einnig fundaraðstöðu ef þess er óskað.
Fjöleignir sjá um gerð rekstrar- og framkvæmdaáætlunar húsfélagsins og bjóða upp á ráðgjöf við að setja eða endurskoða húsreglur. Auk þess útbúum við íbúalista með tengiliðaupplýsingum. Auka húsfundir umfram aðalfund eru haldnir ef þörf krefur.
Leitað er tilboða í allan rekstur t.d. þrif á sameign, umhirðu á garði og snjómokstri. Tryggingar skilgreindar og óskað er eftir tilboðum.“
„Öll þjónusta úr leiðum eitt og tvö er innifalin í þessum pakka en hér bætist við að leitað er eftir tilboðum í smærri framkvæmdir auk þess sem boðið er upp á val á framkvæmdaaðila og kostnaðargreiningu. Gerð verksamninga er innfalin og stórum framkvæmdum komið í farveg. Við höldum árlegan stöðufund með stjórn húsfélags og innifalið er tveggja klst. lögfræðiráðgjöf á ári.
Árleg sjónskoðun á fasteign af fagmanni, tillögum að viðhaldi komið til stjórnar.“
Fjöleignir
Hafnarhvoli 11
101 Reykjavík
Sími: 531-6000
