Hallgrímur Sigurðarson, eigandi T Bone steikhúss, býður ávallt upp á sérstaka tveggja og þriggja rétta matseðla um helgar á frábæru verði.

„Á matseðlinum okkar eru á bilinu 20 til 30 steikur í boði, mismunandi vöðvar og þyngd. Auk þess er matseðillinn sífellt að breytast og helst afar fjölbreyttur með ýmsum nýjungum,“ segir Hallgrímur.

T Bone steikin er vinsælust

„Hússteiking okkar er „medium rare“ en vissulega steikjum við allt kjöt eftir óskum gesta. Okkar uppáhaldssteik er auðvitað „T Bone medium rare“ þar sem gesturinn fær bæði fillet og lund á beini, sem við teljum gefa meira bragð. Við höfum kosið að hafa meðlætið frekar hefðbundið og helst þannig að það skyggi ekki á gæði steikanna. Dæmi um meðlæti má nefna grillaðan ferskan maísstöngul, ristaða sveppi og bearnaise-sósuna okkar sem er engri annarri lík,“ segir Hallgrímur.

Hádegis- og kvöldmatseðill

„Við bjóðum upp á hádegis- og kvöldmatseðil,“ segir Hallgrímur. „Hádegismatseðillinn er aðeins léttari en kvöldmatseðillinn þar sem gestir hafa úr meiru að velja,“ bætir hann við. „Við leggjum upp úr því að veita persónulega þjónustu, gott verð og gæða hráefni. Við leggjum jafnframt upp úr þægilegu og kósí umhverfi,“ segir Hallgrímur að lokum.

T Bone steikhús,
Brekkugötu 3, 600 Akureyri
Sími: 469-4020
www.tbone.is