Rætt var um stöðu FH í Innkastinu á Fótbolta.net í gærkvöldi og hvort Heimir Guðjónsson hefði þolinmæði til að þjálfa þetta mikið lengur.

FH hefur farið illa af stað í Bestu deild karla og er með eitt stig á botni deildarinnar eftir fjórar umferðir.

Margir lykilmenn hafa farið frá liðinu frá síðustu leiktíð og þá hafa meiðsli sett strik í reikninginn.

Elvar Geir Magnússon ritstjóri Fótbolta.net sagðist hafa heyrt sögu úr Hafnarfirði um hver tæki við af Heimi þegar hann myndi hætta.

„Einhverjar slúðursögur um að Davíð Þór Viðarsson verði næsti þjálfari FH, sama hvenær það verður,“ sagði Elvar en Davíð er yfirmaður Heimis í dag sem yfirmaður knattspyrnumála hjá FH.

Valur Gunnarsson sérfræðingur þáttarins segir þessa sögu hafa heyrst lengi. „Maður heyrði það fyrir tímabilið og að þetta muni gerast eftir tímabilið.“