Kieron Dyer fyrrum miðjumaður enska landsliðsins segir að tveir fyrrum liðsfélagar sínir hafi tekið upp kynlífsmyndband á sínum tíma.

Dyer nafngreindi tvo mjög fræga menn en það eru þeir Rio Ferdinand og Frank Lampard sem eru fyrrum samherjar Dyer í landsliðinu.

Atvikið átti sér stað í sumarfríi árið 2000 þegar leikmennirnir voru að hefja sinn feril og voru ekki eins frægir og þeir eru í dag.

,,Ég man að Rio mætti á svæðið með nokkrum vinum sínum sem mættu með myndavél, það var allt tekið upp þetta kvöld,“ sagði Dyer.

,,Í eitt skiptið var ég í miðjum klíðum þegar vinur Rio kom í herbergið og byrjaði að taka mig upp, ég hafði lítinn húmor fyrir því.“

,,Ég stóð upp og sagði manninum að koma sér út, drulla sér burt. Það var allt rangt við þetta, stelpan var miður sín og ég hjálpaði henni að komast heim.“

,,Kvöldið eftir þá voru fleiri stelpur mættar á herbergið ásamt Rio og Lampard, þær voru til í tuskið og höfðu gaman að því að þetta væri myndað. Þeirra kynlíf náðist allt á upptöku.“