Unnendur kántrýtónlistar ættu að fá eitthvað fyrir sinn snúð þegar ein vinsælasta kántríhljómsveit heims í dag, Dominic Halpin and the Hurricane, mætir í Hörpu með tónleikana A Country Night in Nashville. Sveitin mun flytja mörg af frægustu lögum stærstu kántrí stjarnanna bæði lifandi og liðinna. Kántríbandið er að koma í fyrsta skipti til Íslands og heldur tónleika í Eldborg í Hörpu aðeins eitt kvöld þann 26. september næstkomandi.
A Country Night in Nashville kemur beint frá Royal Albert Hall í London og úr metsölu tónleikaferðalagi í Bretlandi. Dominic Halpin hefur verið að gera það gott sem kántrísöngvari og mætir í Hörpu ásamt hæfileikaríkri hljómsveit sinni sem ætla að endurskapa honky-tonk stemninguna í Nashville, heimabæ kátrítónlistarinnar. Hann hefur öðlast alþjóðlega frægð og spilað og sungið með stjörnum á borð við Sir Cliff Richard, Tony Bennett og Emeli Sandé auk þess að hafa samið lög fyrir Hollywood kvikmyndir og sjónvarp.
Kántrítónlist hefur verið á mikilli uppleið aftur í vinsældum á síðustu árum þar sem tónlistarfólk eins og The Shires, Taylor Swift, Lady Antebellum (Lady A) og Beyonce hafa öll komið með sitt innlegg og stíl og kynnt kántrítónlist fyrir risastórum, nýjum og ungum aðdáendahópi víða um heim.
Á dagskrá tónleikanna A Country Night in Nashville eru áhrifamiklir smellir frá mörgum stjörnum úr kántrítónlistinni en þar má nefna Ring of Fire, Crazy, Follow Your Arrow, It’s Five o’Clock Somewhere, Need You Now, nine to five, The Gambler og margir fleiri.
