Áhrifavaldurinn Ashley St. Clair, 26 ára, eignaðist nýlega barn með auðkýfingnum Elon Musk. Musk virðist vera mjög áhugasamur um að fjölga mannkyninu enda er þetta hans þrettánda barn. Hann gæti þó vel átt fleiri því St. Clair hefur nú opinberað sig um að Musk hafi reynt allt til þess að fá hana til að þegja um faðernið. Hefur hún nú greint frá því að Musk hafi boðið henni allt að 15 milljónum dollara og greiðslur upp á 100 þúsund dollara á mánuði til þess sem og að ræða hann aðeins með jákvæðum hætti opinberlega. Var tilboðið í takt við önnur sem barnsmæður Musk hafa þegið, eins og til að mynda tónlistarkonan Grimes og Neuralink-stjórnandinn Shivon Zilis.

Sonurinn, sem fékk nafnið Romulus, fæddist í febrúar 2025 . Þrátt fyrir niðurstöðu faðernisprófs sem segir Musk „99.9999%“ líklegan til að vera faðirinn, hefur hann sjálfur ekki viðurkennt barnið opinberlega.

Í viðtali við DailyMail greindi St. Clair frá fjárhagsörðugleikum sínum í kjölfar barnsfæðingarinnar og deilunnar við Musk. Hún neyddist meðal annars til að selja Tesluna sína til að standa undir framfærslu. Hún segir Musk hafa skorið niður barnastuðninginn um 60% eftir að hún fór með málið fyrir dómstóla í New York.

Þau kynntust í gegnum samfélagsmiðla vorið 2023 og eftir að Musk bauð henni í höfuðstöðvar X (áður Twitter) fór hún með honum í einkaþotuferð til Rhode Island. Þau hófu samband og samkvæmt St. Clair varð barnið til á ferðalagi til Karíbahafsins í janúar 2024.

Musk hefur síðan aðeins hitt son sinn þrisvar sinnum í stuttum heimsóknum. Dómsskjöl sem DailyMail fékk í hendur áður en málið var innsiglað sýna að hann hafi hvorki haft samskipti né sýnt frumkvæði varðandi son sinn.

Musk hefur svarað ásökunum St. Clair með duldum vísbendingum á samfélagsmiðlinum X, þar sem hann neitar hvorki né staðfestir faðerni – en segist hafa greitt henni samtals 2,5 milljónir dollara og greiði nú 500 þúsund dollara á ári.

St. Clair hefur hins vegar sakað hann um að reyna að stjórna henni með fjárhagslegum þvingunum.