Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn á Englandi er nú opinn á ný en er þó enn lokaður í öðrum stærstu deildum Evrópu.
Hér má sjá pakka dagsins.
————————–
Gareth Bale mun bíða með að láta Manchester United vita hvort hann sé fáanlegur í sumar þar til Real Madrid ræður nýjan stjóra. (Express)
Cristiano Ronaldo sagði félögum sínum í Real að hann vildi snúa aftur til Manchester fyrir úrslitaleik Meistaradeildarinnar. (Marca)
Real Madrid hefur hætt við að reyna að fá Mauricio Pochettino, stjóra Tottenham. (Sky)
Manuel Pellegrini, stjóri West Ham, hefur áhuga á að fá miðjumanninn Jack Wilshere frá Arsenal. (Star)
Jose Mourinho vill fá miðjumanninn Marco Verratti sem spilar með Paris Saint-Germain. (Mirror)
Luis Enrique gæti nú verið að taka við Chelsea en hann hefur rætt við félagið. (Sport)
