Mohamed Salah leikmaður Liverpool segist ekki vita hvort hann verði áfram hjá félaginu, honum hafi ekki verið boðið að vera áfram.
Samningur Salah rennur út eftir tímabilið og vekur það nokkra furðu að ekki hafi verið rætt við Salah.
Salah hefur verið magnaður á þessu tímabili og hefur í reynd verið einn besti leikmaður í heimi þessi ár sín hjá Liverpool.
„Ég hef verið hérna lengi, það er ekkert félag eins og þetta. Það er ekkert boð á mínu borði um að framlengja,“ segir Salah um málið.
„Þegar allt kemur til alls þá er þetta ekki í mínum höndum.“
„Ég er meira fyrir utan þetta, ég ef ekki fengið neitt tilboð. Við erum að komast inn í desember og ég hef ekki fengið tilboð um að vera áfram hjá félaginu.“
Auk Salah eru Virgil van Dijk og Trent Alexander-Arnold að verða samningslausir.
🚨❗️ Mo Salah on his future: “You know I have been in the club for many years. There is no club like this… but there’s no proposal to extend now”.
“In the end, it is not in my hands…” pic.twitter.com/2zTpd1sWxG
— Fabrizio Romano (@FabrizioRomano) November 25, 2024
