Arsenal fór illa með lið Chelsea í æfingaleik sem fór fram í nótt en spilað var í Orlando í Bandaríkjunum.

Bæði lið tefldu fram nokkuð sterku byrjunarliði en Arsenal hafði betur sannfærandi í þessum leik.

Gabriel Jesus skoraði fyrsta mark leiksins á 15. mínútu og um 20 mínútum síðar bætti Martin Ödegaard við öðru.

Bukayo Saka og Albert Sambi Lokonga skoruðu svo í síðari hálfleik í leik sem Arsenal vann, 4-0.

Chelsea var með nokkra byrjunarliðsmenn á vellinum og má nefna Mason Mount, Kai Havertz, Edouard Mendy, Reece James, Thiago Silva og Raheem Sterling.

Arsenal var einnig með sterkt byrjunarlið og fékk William Saliba tækifæri í vörninni ásamt Oleksandr Zinchenko sem kom til liðsins í sumar.

Metfjöldi mætti á leikinn í nótt en tæplega 64 þúsund manns sáu viðureignina sem er met á Camping World Stadium.