Virgil van Dijk hefur náð heilsu og mun æfa með Liverpool í dag og ætti að vera leikfær gegn Leicester á morgun.

Van Dijk var að glíma við veikindi sem hann fékk í æfingaferð félagsins í Dubai. Hann hefur náð að safna kröftum.

,,Van Dijk æfir í dag og svo skoðum við málið,“ sagði Klopp en orð hans benda til þess að Van Dijk verði klár á morgun.

Van Dijk er 27 ára gamall en hann kom til Liverpool fyrir ári síðan, hann hefur verið frábær fyrir liðið.

Van Dijk er ein stærsta ástæða þess að Liverpool situr á toppi ensku úrvalsdeildarinnar með fjögura stiga forskot.