Luke Shaw bakvörður Manchester United hefur byrjað tímabilið vel og er að spila sinn besta fótbolta í mörg ár.
Shaw er mættur aftur í enska landsliðið eftir talsvert langa fjarveru en hann fótbrotnaði árið 2015 og hefur ekki náð flugi síðan.
Það hefur hins vegar verið að koma en þessi 23 ára bakvörður fer yfir það hversu heppinn hann var að missa ekki löppina. Brotið var afar slæmt og óttuðust læknar það versta.
,,Heppnin var ekki með mér í liði síðustu þrjú en það er búið, nú er það framtíðin,“ sagði Shaw.
,,Ég missti næstum fótinn, læknirinn lét mig ekki vita af því fyrr en sex mánuðum eftir aðgerðina. Hann sagði að það hefði munað mjög litlu að fóturinn yrði að fara af.“
Shaw hefur verið gagnrýndur fyrir líkamlegt atgervi sitt og verið sagður feitur. Hann hefur breyt um lífsstíl og það virðist skila sér. ,,Ég vildi sanna ágæti mitt og hef ekki verið betri, ekki bara á vellinum en líka í lífinu. Ég er ekki strákur lengur, ég er maður.“
Sjáðu atvikið hér að neðan.
