Víkingur Reykjavík vann sigur á Njarðvík í mjög svo dramatískum leik í Lengjubikar karla í kvöld.
Leikið var í Reykjaneshöllinni en Víkingur hefur ekki verið sannfærandi á undirbúningstímabilinu.
Víkingur komst í 0-2 í fyrri hálfleik en Erlingur Agnarsson skoraði og Njarðvík setti boltann í eigið net.
Heimamenn í Njarðvík gáfust ekki upp og jöfnuðu leikinn í síðari hálfleik og allt stefndi í jafntefli.
Halldór Jón Sigurður Þórðarson tryggði Víingum hins vegar sigur með marki á lokamínútu leiksins.
Bæði lið hafa þrjú stig en Víkingur hefur spilað tvo leiki en Njarðvík leik meira.
