Fjölnir og Valur mættust í Reykjavíkurmótinu í dag en leiknum lauk með 4-2 sigri Fjölnis.
Arnar Sveinn Geirsson kom Val yfir á 25. mínútu en Fjölnismenn jöfnuðu metin á 41. mínútu áður en Birnir Snær Ingason kom þeim yfir, þremur mínútum síðar.
Guðjón Pétur Lýðsson jafnaði metin fyrir Valsmenn undir lok fyrri hálfleiks en Fjölnismenn komust í 3-2 á 75. mínútu og Jóhann Árni Gunnarsson gerði svo útum leikinn á 82. mínútu.
Lokatölur því 4-2 fyrir Fjölnismenn sem voru sprækir í dag en Valsmenn hvíldu nokkra lykilmenn í dag.
