Álasund hefur áhuga á að kaupa Hólmbert Aron Friðjónsson framherja Stjörnunnar Victor Ingi Olsen starfsmaður Stjörnunnar staðfesti þetta í samtali við 433.is.
Viðræður hafa átt sér stað á milli félaganna og tilboð komið frá Álasund sem Stjarnan hefur ekki samþykkt.
Álasund féll úr norsku úrvalsdeildinni á fyrra og mun leika í næst efstu deild á næsta ári. Með liðinu leika þrír Íslendingar, Adam Örn Arnarson, Daníel Leó Grétarson og Aron Elís Þrándarson.
Sandefjörd sem leikur í efstu deild Noregs vildi fá Hólmbert en það var Lars Bohinen sem var þjálfari liðsins þegar áhuginn byrjaði.
Bohinen er nú þjálfari Álasunds og hefur hann mikinn áhuga á að kaupa Hólmbert.
Hólmbert sem leikið hefur í tvö ár með Stjörnunni þekkir vel til í atvinnumennsku en hann lék með Celtic og Bröndby áður en hann kom heim í KR. Þangað fór hann í Stjörnuna en áður lék Hólmbert með Fram og HK hér á landi.
