„Það er smá söknuður í mér, þetta er frábær hópur sem við erum með og það hefur veirð hrikalega gaman að vinna með þeim og ég er strax farinn að sakna þeirra,“ sagði Willum Þór Þórsson, þjálfari KR eftir 1-0 tap liðsins gegn Stjörnunni í dag.

Það var Jósef Kristinn Jósefsson sem skoraði eina mark leiksins á 15. mínútu en Stjarnan lýkur þar með keppni í öðru sæti deildarinnar en KR endar í fjórða sæti.

„Þetta var kaflaskiptur leikur hjá okkur, mér fannst Stjarnan hafa yfirhöndina í fyrri hálfleik en við vorum sterkari í þeim síðari en náum því miður ekki að jafna leikinn.“

„Mér fannst okkur skorta smá yfirvegun á síðasta þriðjungnum. Í fyrri hálfleik voru þeir samt miklu grimmari en við og unnu alla seinni bolta en þetta var allt annar leikur í síðari hálfleik.“

Viðtalið í heild sinni má sjá hér fyrir ofan og neðan.