„Ég er mjög sáttur með að fá þrjú stig hérna í dag og heilt yfir er ég mjög sáttur með spilamennskuna í dag,“ sagði Milos Milojevic, þjálfari Breiðabliks eftir 1-0 sigur liðsins á FH í dag.

Það var Arnþór Ari Atlason sem skoraði eina mark leiksins í síðari hálfleik og ljúka Blikar því keppni í sjötta sæti Pepsi-deildarinnar í ár.

„Þetta var okkar fullkomnasti leikur kannski, ég vil ekki segja þá besti því þetta hefur ekki alltaf fallið með okkur í sumar en ég er alltaf sáttur með að taka þrjú stig.“

„Ég er stoltur af strákunum, þeir sýndu mikinn karakter í dag og héldu haus allan tímann. Þegar að ég kem erum við í fallsæti en endum í fimmta, sjötta sæti. Við vorum líka inní öllum leikjum en einsog ég sagði áðan féll þetta eki alltaf með okkur.“

Viðtalið í heild sinni má sjá hér fyrir ofan og neðan.