„Ég er mjög svekktur að tapa þessum leik því mér fannst við leggja þennan leik vel upp og við tókum á móti Valsmönnum á réttum stöðum á vellinum,“ sagði Logi Ólafsson, þjálfari Víkinga eftir 3-4 tap liðsins gegn Val í dag.

Það voru þeir Sigurður Egill Lárusson, Guðjón Pétur Lýðsson, Patrick Pederson og Bjarni Ólafur Eiríksson sem skoruðu mörk Valsmanna í leiknum en Geoffrey Castillon og Vladimir Tufa sem skoruðu fyrir Víkinga.

„Mér fannst við gera marga hluti vel í leiknum en það er alveg klárt mál að við erum að fá á okkur alltof mikið af mörkum og við erum ekki nógu góður varnarlega, því miður.“

„Félagið hefur gert Castillion mjög gott tilboð og vonandi finnst honum það nógu gott sjálfum. Vonandi finnst honum skemmtilegt í dalnum og hann þarf að átta sig á því að það eru miklir möguleikar í Víkinni.“

Viðtalið í heild sinni má sjá hér fyrir ofan og neðan.