Ásgeir Börkur Ásgeirsson, fyrirliði Fylkis, var að vonum ánægður í dag eftir 2-1 sigur á ÍR en með sigrinum tryggði Fylkir sér titilinn í Inkasso-deildinni.

,,Þetta var hrikalega sætt. Ég fékk ekki alveg að njóta þess undir lokin því ég klúðraði dauðafæri og það hefði verið gaman að enda þetta á að skora,“ sagði Ásgeir.

,,Það held ég, ég held að ég hafi verið langt fyrir innan en það var Arnari að kenna. Hann ákvað að kötta út í stað þess að gefa hann í fyrsta,“ sagði Ásgeir um mark sem hann skoraði í fyrri hálfleik sem var dæmt af.

,,Það hefur ekki gerst oft á mínum ferli að maður fái bikar svo þetta er hrikalega sætt og við erum hrikalega vel að þessu komnir.“

,,Ætli það sé ekki það að þau séu fyrrum leikmenn Fylkis. Þetta byrjaði fyrir löngu þegar Pape var hérna held ég. Pape er góður drengur, ég þekki Fjollu ekki neitt en hún er það örugglega líka,“ sagði Ásgeir um sönginn sem leikmenn Fylkis sungu.

Sungið er um Pape Mamadou Faye og Fjollu Shala en þau eru bæði fyrrum leikmenn kiðsins.