Willum Þór Þórsson, þjálfari KR, var ánægður með sína menn í kvöld eftir 3-1 sigur á Blikum í Kópavogi.

,,Þetta var fjörugur og kröftugur leikur. Við byrjuðum mjög vel og vorum staðráðnir í að svara mjög vondum leik síðast,“ sagði Willum.

,,Alvöru íþróttamenn vilja komast í næsta leik sem fyrst og mér fannst við svara kallinu í dag. Okkur langar í Evrópusæti og erum ekki tilbúnir að gefa það frá okkur.“

,,Við fengum á okkur mark snemma í seinni hálfleik og það setti aðeins hroll í okkur og þá byrjuðu menn að passa sig meira.“

,,Á móti kemur þá sló þetta okkur ekki út af laginu og við sigldum þessu heim.“