„Við þurfum að spila vel, ÍBV er sterkt lið með góða liðsheild og klókan þjálfara sem hefur unnið þennan titil áður,“ sagði Heimir Guðjónsson, þjálfari FH á blaðamannafundi í Laugardalnum í dag.

ÍBV og FH mætast í úrslitum Borgunarbikarsins á laugardaginn næsta en Eyjamenn hafa unnið bikarinn fjórum sinnum á meðan Hafnfirðingar hafa lyft honum tvisvar.

„Ég held að þeir muni byrja þennan leik sterkt og setja mikla pressu á okkur fyrstu fimmtán mínúturnar og reyna að ná inn marki. Síðan held ég að þeir muni liggja tilbaka og beita skyndisóknum sme þeir eru mjög góðir í.“

„Við erum byrjaðir að undirbúa þennan leik og við byrjuðum á því strax á þriðjudaginn. Tíminn til undirbúnings er góður og ég er sáttur með hann. Vonandi koma sem flestir til þess að styðja okkur og það ætti að vera hægt að búa til góða stemningu í kringum þennan leik.“

Viðtalið í heild sinni má sjá hér fyrir ofan og neðan.