Bjarni Helgason skrifar frá Doetinchem:

Markavélin Margrét Lára Viðarsdóttir er spennt fyrir leik dagsins er Ísland mætir Sviss á EM í Hollandi.

Margrét Lára er bjartsýn fyrir leikinn í dag en Ísland þarf á stigum að halda ef liðið ætlar áfram í keppninni.

,,Þetta leggst mjög vel í mig. Ég veit að stelpurnar eru klárar í slaginn og þetta verður hörkubarátta í kvöld. Bæði lið þurfa að fá eitthvað úr þessu til að komast áfram,“ sagði Margrét.

,,Stelpurnar vita nákvæmlega hvernig Sviss spilar og hvernig þær ætla að spila á móti þeim og þær gíra sig í gang og halda spennustiginu í góðum fasa.“

,,Við erum í hefndarhug. Þær fóru illa með okkur í undankeppni HM seinast og við viljum sina það að við erum betri en það og getum unnið þær.“

Mætingin á völlin var frábær í fyrsta leik og segir Margrét að hún hefði ekki trúað því fyrirfram hefði einhver reynt að sannfæra hana um að 3000 stuðningsmenn væru mættir til Hollands.

,,Nei ég hefðu haldi að þú værir eitthvað klikkaður! Það er HM eftir tvö ár og við ætlum okkur þangað og það verður eflaust enn stærra.“