Halldór Jón Sigurðsson (Donni), þjálfari Þórs/KA í Pepsi-deild kvenna, var ánægður með sínar stelpur í kvöld eftir góðan 4-1 sigur á Fylki.
,,Þetta var sterkur sigur. Það var mikilvægt að ná marki snemma inn en það setti svartan blett á það að þær náðu að jafna leikinn en eftir það þá settu stelpurnar mínar í ákveðinn gír,“ sagði Donni.
,,Við höfum undirbúið okkur gríðarlega vel í allan vetur, bæði fyrir það að stjórna leiknum á annan hátt með öðruvísi áherslum og að stjórna leiknum svona.“
,,Í seinni hálfleik datt botninn úr þessu hjá okkur sóknarlega og við sköpuðum okkur ekki nein færi af viti.“
