Rúnar Páll Sigmundsson, þjálfari Stjörnunnar, var virkilega ánægður í kvöld eftir dramatískan 2-1 sigur liðsins á KA.
,,Tilfinningin er hrikalega góð. Þetta var frábært mark hjá Eyjólfi og það sama má segja um Guðjón,“ sagði Rúnar Páll.
,,Við höfum alltaf trú á að við getum klárað þessa leiki og við erum með liðið í það. Við erum í geggjuðu standi og viljum klára þessa leiki með stæl.“
,,KA eiga hrós skilið fyrir sinn leik en við vorum betri og kláruðum leikinn. Ég er ánægður með þessi þrjú stig. Geggjuð stemning hér í stúkunni!“ öskraði Rúnar svo ástríðufullur.
