„Ég var sjálfur hrikalega spenntur að spila þennan leik,“ sagði Guðmann Þórisson, varnarmaður KA eftir 3-1 sigur liðsins gegn Breiðablik í dag..

Það voru þeir Darko Bulatovic, Elfar Árni Aðalsteinsson og Ásgeir Sigurgeirsson sem skoruðu mörk KA í leknum en Andri Rafn Yeoman minnkaði muninn fyrir Blika í stöðunni 3-0.

„Við byrjum þennan leik frábærlega vel og ég er hrikalega ánægður með það. Það er ekkert auðvelt að koma upp sem nýliðar og mikið af fólki í stúkunni og það var bara frábært að klára þennan leik í dag.“

„Við létum miðverðina þeirra bara vera með boltann og mér fannst leikplanið ganga fullkomlega út, það eina sem ég hefði viljað var að halda hreinu en það kemur bara næst.“

Viðtalið í heild sinni má sjá hér fyrir ofan og neðan.