Kristján Guðmundsson, þjálfari ÍBV, var ánægður með sína menn eftir mikið baráttujafntefli gegn Fjölni í dag.
,,Mér fannst við ekki byrja af nægilega miklum krafti og eftir korter þá erum við manni færri,“ sagði Kristján.
,,Rauða spjaldið gjörbreytti ansi mörgu sem við lögðum upp með fyrir leikinn og þetta fór bara í það að sýna vinnusemi og liðsanda.“
,,Menn voru að fórna sér á vellinum og það var unun að sjá hvernig við kláruðum þennan leik án þess að fá á okkur stór færi.“
