„Mér fannst þetta fínn leikur hjá okkur í kvöld,“ sagði Ólafur Jóhannesson, þjálfari Vals eftir 1-0 sigur Vals á FH í Meistarakeppni KSÍ í kvöld.

Það var Haukur Páll Sigurðsson, fyrirliði Vals sem skoraði eina mark leiksins í fyrri hálfleik og loaktölur því 1-0 fyrir Valsmenn.

„Við byrjuðum mun betur en þeir og svo taka þeir fyrir þarna um miðbik fyrri hálfleiks en svo fannst mér þetta bara vera jafnræði með liðinum. Svona leikir ráðast oft á föstum leikatriðum og ég er fyrst og fremst ánægður með sigurinn.“

„Við vörðumst vel í dag og héldum hreinu og það hefur kannski verið okkar akkilesarhæll að verjast en það gekk vel í dag.“

„Við erum búnir að æfa vel og undirbúa okkur vel, ég er ánægður með hópinn sem ég er með og svo er það bara undir leikmönnunum komið að gera eitthvað í sumar. Við erum með fínan, 20 manna hóp og ég er mjög sáttur með það og ég treysti öllum til þess að spila.“

Viðtalið í heild sinni má sjá hér fyrir ofan og neðan.