„Samningurinn minn úti var runninn út og við vorum í raun bara búin að ákveða það fjölskyldan að koma heim,“ sagði Birkir Már Sævarsson, nýjasti leikmaður Vals á blaðamannafundi á Hlíðarenda núna rétt í þessu.

Birkir skrifaði undir þriggja ára samning við félagið og verður því hjá Valsmönnum til ársins 2020, í það minnsta en hann er 33 ára gamall og hefur eignað sér hægri bakvarðastöðuna hjá íslenska landsliðinu.

„Fyrst ég var að koma heim þá var ekkert annað sem kom til greina en að fara í Val. Ég hefði aldrei getað spilað á móti þessu liði þannig að eina sem kom til greina kannski var að fara í BÍ/Bolungarvík.“

„Ég hef verið í sambandi við Heimi Hallgríms að undanförnu og ef ég stend mig vel hér þá hef ég sömu möguleika og aðrir að fara með til Rússlands,“ sagði Birkir m.a

Viðtalið í heild sinni má sjá hér fyrir ofan og neðan.