„Við erum með sex, mjög góða markmenn, sem hefðu allir getað verið í hópnum og þeir sem ég nefndi ekki eru Fredrik Schram og Anton Ari Einarsson og þeir eru báðir mjög góðir markmenn,“ sagði Guðmundur Hreiðarsson, markmannsþjálfari íslenska landsliðsins á blaðamannafundi í Laugardalnum í dag.

Ísland mætir Katar og Tékkum í vináttuleikjum þann 8. og 14. nóvember næstkomandi en formlegur undirbúningur liðsins fyrir HM í Rússlandi er nú hafinn.

„Við erum í þannig stöðu í dag að við erum með sex, mjög frambærlega markmenn sem ég væri í raun bara mjög stoltur að fá að taka með til Rússlands. Það eru ungir markmenn þarna eins og Rúnar Alex, Anton og Fredrik þannig að við erum ríkir af góðum markmönnum og þetta er lúxusvandamál fyrir mig.“

„Allir þeir fjórir sem við völdum eiga möguleika á því að byrja. Vinnureglan er sú að við erum með ákveðna skoðun hvað við ætlum að gera og svo tökum við ákvörðun eftir æfingar. Hann er eini markmaðurinn af þessum fjórum sem hefur ekki spilað A-landsleik en hann hefur verið frábær með yngri landsliðum Íslands og er að spila vel í dönsku deildinni líka.“

Viðtalið í heild sinni má sjá hér fyrir ofan og neðan.