Hörður Snævar Jónsson skrifar frá Antalya:

,,Það eru frábærar aðstæður, ég hrósa KSÍ. Það er allt til alls, það er ekki nein afsökun fyrir föstudaginn,“ sagði Sverrir Ingi Ingason leikmaður Íslands í samtali við 433.is í Antalya í dag.

Liðið fær bestu aðstæður til að undirbúa sig undir leikinn á föstuadg en liðið fer til Eskişehir í dag þar sem leikurinn fer fram.

,,Það eru fínir möguleikar, Tyrkir eru með gott lið. Þeir eru annað lið á heimavelli, við vitum hvað við þurfum að gra til að vinna leikinn.“

Allt er undir í þessum síðustu tveimur leikjum Íslands í undankeppni HM en fjögur stig ættu að tryggja íslenska liðinu hið minnsta sæti í umspili.

,,Möguleikarnir í leiknum liggja í því að þeira þurfa að vinna leikinn, ef við náum að halda skipulagi framan af þá þurfa þeir að koma framar. Þetta er leikur upp á líf og dauða fyrir þá, möguleikarnir gætu legið í því að svæði gætu opnast.“

Sverrir byrjaði síðasta landsleik og naut þess en hann hugsar um liðið frekar en sig sjálfan.

,,Það var gaman að fá tækifæri síðast, það mikilvægasta er að ná úrslitum á föstudag. „

Viðtalið er í heild hér að ofan og neðan.