„Það er geggjað veður hérna og flottar aðstæður til að æfa í þannig að menn verða klárir þegar flautað verður til leiks,“ sagði Jón Daði Böðvarsson, leikmaður íslenska landsliðsins á æfingu liðsins í morgun.

Ísland mætir Tyrklandi í afar mikilvægum leik á föstudaginn næsta en Ísland er sem stendur í öðru sæti I-riðils með 16 stig, jafn mörg stig og Króatar sem eru með betri markatölu og því ljóst að stig eða sigur myndi gera mikið fyrir liðið með umspilssæti í huga.

„Þetta verður erfiður leikur á föstudaginn. Það verður stemning og menn eru bara spenntir að stíga inná völlinn og fara í alvöru baráttu. Þetta er búið að vera framar vonum og riðillinn er gríðarlega sterkur.“

„Heimsmeistaramótið er stærra en EM og ég hugsa að þetta yrði stærsti árangur landsliðsins frá upphafi. Vonandi náum við að klára dæmi og komast á HM.“

Viðtalið í heild sinni má sjá hér fyrir ofan og neðan.