„Þetta er snilld, 29 stiga hiti, geggjað hótel og bara mjög fínt hérna,“ sagði Rúnar Alex Rúnarsson, leikmaður íslenska landsliðsins á æfingu liðsins í morgun.

Ísland mætir Tyrklandi í afar mikilvægum leik á föstudaginn næstkomandi en Ísland er sem stendur í öðru sæti I-riðils með 16 stig, jafn mörg stig og Króatar sem eru með betri markatölu.

„Ég kom seint í gær og þá var æfing og fundur um Tyrkina en ég held að það sé erfitt að vera ekki spenntur yfir þessu öllu saman. Möguleikar okkar eru góðir held ég, liðið hefur verið í þessari stöðu áður og strákarnir hafa alltaf skilað sínu.“

„Menn hafa spilað svona mikilvæga leiki áður og ég held að við getum farið kokhraustir inní þetta. Þetta eru allt mjög flottir strákar og það er búið að taka mjög vel á móti mér hérna.“

Viðtalið í heild sinni má sjá hér fyrir ofan og neðan.