Hörður Snævar Jónsson skrifar frá Antalya:
,,Heilsan er allt í lag,“ sagði Aron Einar Gunnarsson fyrirliði Íslands í samtali við 433.is í Tyrklandi í dag
Aron Einar er að glíma við meiðsli aftan í læri og er tæpur fyrir leik Íslands við Tyrkland í undankeppni HM á föstudag.
Aron er í kappi við tímann um að ná leiknum en íslenska liðið þarf stig í leiknum til að halda draumnum um HM í Rússlandi á lífi.
,,Það var smá „setback“ í gær, ég var stífur þegar ég var að hlaupa. Ég er aðeins betri í dag og næ vonandi að gera aðeins meira. Ég er í kapphlaupi við tímann í að ná þessum leik, þetta er leiðinleg staða. Ég kem til að gera allt til að vera klár, hvort sem það er meðhönldun eða auka klukkutíma í ræktinni. Maður reynir að gera allt til að vera klár.“
,,Þetta er sama gamla sagan, maður er alltaf smá tæpur þegar maður mætir. Þetta er hluti af þessu, ég verð vonandi klár.“
Viðtalið er í heild hér að ofan og neðan.
