,,Mér fannst við þurfa sókndjarfan vinstri bakvörð,“ sagði Rúnar Kristinsson þjálfari KR eftir að hafa krækt í Kristinn Jónsson frá Breiðabliki í dag.

Kristinn skrifaði undir hjá KR í dag ásamt Björgvini Stefánssyni sem kom frá Haukum.

,,Kristinn skapar mikla hættu með sínum hraða, hann er leikinn með bolta og góður sendingarmaður. Mér fannst mikilvægt að hafa góðan vinstri bakvörð líkt og hægri bakvörð. Þau ár sem Kristinn hefur verið hérna hefur hann iðulega verið með betri leikmönnum deildarinnar. Þetta er stórt skref að taka þegar þú hefur alist upp í Breiðabliki, ég held að þetta hafi verið rétt skref hjá honum. Fara úr þægindarammanum.“

Björgvin hefur raðað inn mörkum í 1. deildinni en hann æfði hjá Lilleström í Noregi þegar Rúnar var þjálfari þar.

,,Ég hef fylgst lengi með honum, hann hefur raðað inn mörkum í 1. deildinni. Það er ekki sjálfsagður hlutur að skora mörk, ef hann æfir vel hérna og tekur sig aðeins í gegn þá getur hann orðið góður Pepsi deildar leikmaður.“

Viðtalið er í heild hér að ofan og neðan.