„Flott að eiga þessar tvær stoðsendingar í dag og þetta var bara liðssigur hjá okkur í dag,“ sagði Jón Daði Böðvarsson, leikmaður íslenska landsliðsins eftir 3-0 sigur liðsins á Tyrkjum í kvöld.

Það voru þeir Jóhann Berg Guðmundsson, Birkir Bjarnason og Kári Árnason sem skoruðu mörk Íslands í leiknum og er liðið nú á toppi I-riðils með 19 stig í efsta sætinu.

„Ætli þetta sé ekki bara sá besti, það er ekki oft sem maður leggur upp tvö mörk, sérstaklega í Tyrklandi. Við erum búnir að ná í mörg góð úrslit undanfarið og ef við vinnum Kosovo þá toppar það allt.“

„Það var ógeðslega gaman að spila þennnan leik. Þetta er umhverfið sem þú vilt vera í og þú færð auka adrenalín. Við vissum að þeir myndu koma vitlausir í þetta og þá var mikilvægt að halda fókus.“

Viðtalið í heild sinni má sjá hér fyrir ofan og neðan.