„Það er allt annað líf þegar að maður er að spila fótbolta í staðinn fyrir að sitja á bekknum,“ sagði Ragnar Sigurðsson, varnarmaður íslenska landsliðsins á æfingu liðsins í morgun

Ragnar gekk til liðs við Rubin Kazan í sumar eftir vonbrigðatímabil með Fulham þar sem að hann fékk fá tækifæri með aðalliði félagsins. Hann er nú kominn til Rússlands á nýjan leik þar sem að honum líður vel.

„Það breytir öllu í lífi manns að fá að spila, ekki bara í fótboltanum heldur líka í persónulega lífinu þannig að það er allt miklu betra hjá mér núna heldur en á síðasta tímabili.“

„Ég held að ég hafi aldrei verið í jafn góðu formi eins og núna. Mér líður mjög vel þarna, þetta er auðvitað Rússland þannig að þetta er öðruvísi en maður lærir að kunna að meta þetta þótt það taki kannski smá tíma.“

Viðtalið í heild sinni má sjá hér fyrir ofan og neðan.