Hörður Snævar Jónsson skrifar frá Antalya:
,,Þetta eru leikir sem allir vilja spila,“ sagði Birkir Már Sævarsson bakvörður íslenska landsliðsins við 433.is í Tyrklandi í dag.
Íslenska liðið æfði í Antalya í dag en síðar í dag heldur liðið til Eskişehir þar sem leikurinn fer fram á föstudag.
Allt er undir í þessum síðustu tveimur leikjum Íslands í undankeppni HM en fjögur stig ættu að tryggja íslenska liðinu hið minnsta sæti í umspili.
Birkir Már er sterklega orðaður við uppeldisfélagið sitt, Val. Hann segir ekkert ákveðið en Birkir verður samningslaus hjá Hammmarby í lok árs.
,,Það er möguleiki á að ég komi heim, það er ekkert ákveðið,“ sagði Birkir en hafa Valsmenn heyrt í honum? ,,Ég commenta ekki á sögusagnir.“
,,Það eru möguleikar, það koma tveir landsleikir. Ég vona að eigi góða leiki og það opnast eithvað.“
,,Það eru margir þættir, ég er með þrjú börn sem flytja með mér. Þetta er fjölskyldu tengt líka, tilboðið að utan þarf að vera þess virði svo ég verði frá henni. Það verður að vera fjárhagslega gott og spennandi lið svo ég verði erlendis áfram.“
Viðtalið er í heild hér að ofan og neðan.
