„Þetta var bara mjög solid sigur hjá okkur. Við gerðum það sem við þurftum og skoruðum gott mark,“ sagði Rúnar Páll Sigmundsson, þjálfari Stjörnunnar eftir 1-0 sigur liðsins á KR í dag.
Það var Jósef Kristinn Jósefsson sem skoraði eina mark leiksins á 15. mínútu en Stjarnan lýkur þar með keppni í öðru sæti deildarinnar en KR endar í fjórða sæti.
„Ég man ekki eftir því að KR hafi fengið færi í þessum leik enda vorum við að spila hörku varnarleik, við voru kannski sjálfir ekki mikið að skapa en við skorum gott mark og það skilur liðin að í dag.“
„Það var mjög mikilvægt að ná inn þessu fyrsta marki. Við fáum ekki mikið af mörkum á okkur í opnum leik og höfum verið að fá flest mörk á okkur úr föstum leikatriðum. Ég er bara sáttur að klára þetta tímabil í öðru sæti.“
Viðtalið í heild sinni má sjá hér fyrir ofan og neðan.
