Kári Árnason, leikmaður íslenska landsliðsins, er spenntur fyrir verkefni liðsins á morgum er okkar menn mæta Finnum í undankeppni HM.
,,Við græðum ekkert á að vinna Króatíu ef við vinnum ekki Finna í framhaldinu,“ sagði Kári.
,,Stigataflan segir ekki mikið um þetta lið. Þetta er hörkulið og við þurfum að eiga mjög góðan leik til að ná sigri.“
,,Þetta er orðið svipað og í undankeppni EM. Við urðum að vinna hvern einasta leik þar til við kláruðum Hollendingana.“
