„Ég er bara svekkt að hafa tapað hérna í kvöld og þurfa núna að treysta á aðra,“ sagði Gunnhildur Yrsa Jónsdóttir, leikmaður íslenska landsliðsins eftir 1-2 tap liðsins gegn Sviss í kvöld.
Fanndís Friðriksdóttir kom Íslandi yfir á 33 mínútu áður en Lara Dickenmann jafnaði metin undir lok fyrri hálfleiks. Það var svo Ramona Bachmann sem skoraði sigurmark leiksins í upphafi síðari hálfleiks og þar við sat.
„Við komum band brjálaðar til leiks gegn Austurríki, við höfum engu að tapa. Ég áttaði mig aldrei á línunni sem dómarinn setur og ég held að það sé bara best að ég tjái mig sem minnst um það.“
„Að standa þarna eftir tap og öll þjóðin og stúkan klappa fyrir manni lyftir manni upp og gefur manni orku. Það er varla hægt að lýsa því hvað þetta gerir fyrir mann.“
Viðtalið í heild sinni má sjá hér fyrir ofan og neðan.
