Freyr Alexandersson, þjálfari íslenska landsliðsins, var virkilega óhress í kvöld eftir 2-1 tap gegn Sviss á EM.
Freyr var alls ekki ánægður með dómgæsluna í kvöld en flestir Íslendingar eru á því máli að dómaratríóið hafi átt slakan leik.
,,Maður er sár og svekktur. Það er það sem er efst í huga. Það blandast stolt og ánægja yfir umhverfinu og hugarfari leikmanna en ég er svekktur með að tapa,“ sagði Freyr.
,,Við vorum ekkert sérstök fyrstu 15 og náum svo smá tökum og skorum mark og förum að halda boltanum og það er ekkert að gerast og svo upp úr engu er eins og eitthvað springi allt á vellinum og allt fer í háa loft á fimm mínútum og við fáum á okkur mark.“
,,Við erum ofboðslega heiðarleg þjóð, fólk og íþróttamennirnir okkar eru það líka. Ég vil ekki að við séum að svindla eða tuða á vellinum eins og þær voru að gera.“
,,Eruði búnir að sjá þetta? Er þetta ekki pjúra rautt? Hún er far frá nafla niður á lífbein sko,“ sagði Freyr um brot á Dagnýju Brynjarsdóttur snemma í leiknum.
Nánar er rætt við Frey hér fyrir ofan og neðan.
