Hörður Björgvin Magnússon, leikmaður Íslands, skoraði sigurmark liðsins í kvöld í 1-0 sigri á Króatíu. Hörður var að vonum brosandi eftir leik kvöldsins.

,,Tilfinningin er geðveik. Það er alltaf gaman að skora fyrir landsliðið og hvað þá á móti svona sterku liði. Þetta er eitt sterkasta lið sem ég hef mætt,“ sagði Hörður.

,,Staðreyndin er sú að ég er sá eini sem get skorað núna! Nei nei, ég segi svona en liðsheildin er bara svo sterk.“

,,Ég get bara þakkað öllu liðinu og þjálfarateyminu hvernig við lögðum upp með að spila leikinn og þetta var rosa gott hjá okkur öllum.“

,,Þetta var minn besti leikur á ferlinum og ég gæti ekki verið sáttari.“

Nánar er rætt við Hörð hér fyrir ofan og neðan.