„Stemningin er mjög góð og þetta verður bara skemmtilegur leikur á sunnudaginn,“ sagði Arnór Ingvi Traustason, leikmaður íslenska landsliðsins á æfingu liðsins í dag.

Ísland mætir Króötum í undankeppni HM á sunnudaginn 11. júní næstkomandi í toppslag I-riðils.

Króatar sitja á toppinum með 13 stig en Ísland er í öðru sæti riðilsins með 10 stig.

„Við erum búnir að spila á móti þeim núna þrisvar og farnir að þekkja þá vel. Þeir eru með svakalega gott lið en það er búið fara vel yfir þá og við vitum nokkurnvegin hvar við ætlum að sækja á þá og við ætlum okkur sigur í þessum leik.“

„Þetta er mjög gott lið sem við erum að mæta og við þurfum að allir að eiga topp leik til að vinna þá en við erum alltaf sterkir á heimavelli, við höfum ekki tapað hérna lengi og við ætlum bara að halda því áfram.“

Viðtalið í heild sinni má sjá hér fyrir ofan og neðan.