Rúnar Páll Sigmundsson, þjálfari Stjörnunnar, var hæstánægður með sína menn eftir 3-1 sigur á Blikum á Kópavogsvelli í kvöld.
,,Þetta er hrikalega sætt. Það er kærkomið að vinna Breiðablik hérna í Kópavoginum,“ sagði Rúnar.
,,Við lögðum upp með að halda skipulagi, vera þolinmóðir og gefa ekki færi á okkur. Við erum í hrikalega góðu standi.“
,,Við vorum ekkert búnir að pæla í Blikum varðandi ástandið, við pældum í síðustu tveim leikjum hjá þeim, annað var ekki rætt.“
