433

Veðbankar hafa fulla trú á íslensku liðunum í kvöld

Mynd
Mynd: DV/KSJ

Íslenska karlalandsliðið mætir Eistlandi í toppslag í riðli sínum í C-deild Þjóðadeildarinnar klukkan 18:45 í kvöld.

Ísland gerði einmitt jafntefli við Eistland í fyrsta leiknum á heimavelli og voru það mikil vonbrigði. Við tóku góðir sigrar á Lúxemborg og Búlgaríu og í kvöld taka Eistar á móti Strákunum okkar.

Sigur kemur íslenska liðinu í frábæra stöðu á toppi riðilsins, en toppsætið kemur okkur upp um deild og að öllum líkindum í umspil um sæti á EM 2028, ef illa fer í undankeppninni fyrir það mót.

Veðbankar hafa trú á Íslandi í kvöld, en stuðull á sigur Íslands á Lengjunni er 1,52. Hann er 4,95 á heimamenn og 3,56 á jafntefli.

Íslenska U-21 árs karlalandsliðið er einnig í eldlínunni gegn Færeyjum ytra nú klukkan 17. Sigur færir liðinu sæti í undankeppni um sæti í lokakeppni EM næsta sumar, svo lengi sem Sviss vinnur ekki Frakkland á útivelli.

Veðbankar telja íslenska liðið mun sigurstranglegra og er stuðull á sigur Íslands á Lengjunni 1,31.