Hjörvar Hafliðason, Dr. Football, telur að Óskar Hrafn Þorvaldsson verði að fara aftur erlendis og reyna á sig þar. Óskar tók við Haugesund í Noregi árið 2024 en hætti eftir nokkra mánuði.
Óskar hefur stýrt KR í tvö ár núna og hefur komið liðinu upp í titilbaráttu eftir góðan sigur á Fram í gær.
„Hann þarf að fara aftur út, eftir tíu ár gæti hann verið búinn," sagði Hjörvar Hafliðason í Dr. Football þætti dagsins.
Hrafnkell Freyr Ágústsson vill sjá Óskar fara aftur út og fá þá fullt traust, eitthvað sem vantaði í Noregi. „Mér finnst hann þurfa klúbb sem er tilbúinn að keyra á þetta sem hann er að gera.„
Hjörvar segir Óskar frábæran í því að taka við brotnum leikmönnum og gera þá góða á nýjan leik. „Það er eitt sem gerir Óskar að góðum þjálfara, hann getur fengið brotna stráka heim erlendis frá og komið þeim af stað.“
