Cristiano Ronaldo og Georgina Rodriguez virðast hafa gengið í hjónaband á laun.
Parið birti sameiginlega færslu á Instagram fyrir skömmu þar sem þau sýna gullhringi á baugfingrum sínum.
Við myndina stóð einfaldlega „C❤️G“ og fékk færslan yfir milljón læk á örfáum mínútum.
Mynd
Miklar sögusagnir höfðu verið um að Ronaldo og Georgina hygðust gifta sig á Madeira um helgina en ekkert varð af þeirri stóru athöfn sem margir bjuggust við.
Nú virðist því sem parið hafi þess í stað haldið brúðkaupið í kyrrþey og tilkynnt um það eftir á.
Ronaldo og Georgina hafa verið saman frá árinu 2016 og trúlofuðu sig í ágúst á síðasta ári.
