Alicia Scholes, dóttir Manchester United-goðsagnarinnar Paul Scholes, hefur vakið athygli á samfélagsmiðlum með myndum úr sumarfríi sínu í Lagos í Portúgal.
Alicia vakti mikla athygli fyrir nokkrum árum þegar hún birti myndir af sér þegar pabbi hennar var að naga á henni táneglurnar.
Alicia, sem er 25 ára, er þar ásamt kærasta sínum Ayomi Odukoya og hefur deilt fjölda mynda og myndskeiða úr ferðinni með rúmlega 100 þúsund fylgjendum sínum á Instagram. Meðal annars hefur hún birt myndir frá ströndinni, sundlauginni og bátsferðum.
Alicia hefur sjálf getið sér gott orð í íþróttaheiminum. Hún leikur netbolta með London Pulse og hefur einnig verið hluti af enska landsliðinu. Áður lék hún með Manchester Thunder og landsliðum Englands í yngri aldursflokkum.
Kærasti hennar, Odukoya, tók þátt í bresku raunveruleikaþáttunum Love Island árið 2024. Hann hefur jafnframt spilað knattspyrnu og er virkur á samfélagsmiðlum þar sem hann birtir efni tengt tísku og lífsstíl.
Alicia rekur einnig líkamsræktarstöðina Scholes Gym ásamt föður sínum og bróður, Arron.
Hún er dugleg að gefa fylgjendum sínum innsýn í daglegt líf og birti til að mynda nýlega myndir af óskemmtilegum meiðslum á fæti eftir óhapp á hlaupabretti. Nú virðist hún þó hafa jafnað sig og nýtur sumarfrísins í Portúgal til hins ýtrasta.
