KR vann 5-2 sigur á Fram og skráði sig um leið í sögubækurnar með því að slá markamet ÍA í efstu deild karla.
Arnór Ingvi Traustason kom KR yfir snemma leiks áður en Eiður Gauti Sæbjörnsson bætti við tveimur mörkum. Þriðja mark KR í leiknum var jafnframt 62. deildarmark liðsins í sumar og þar með jafnaði KR met ÍA frá árinu 1993.
ÍA skoraði þá 62 mörk í 18 leikja móti en metið stóð í 33 ár. 18. umferð Bestu deildarinnar er lokið.
Kennie Knak Chopart minnkaði muninn fyrir Fram með tveimur mörkum og kom stöðunni í 3-2. KR lét það þó ekki slá sig út af laginu.
Ástbjörn Þórðarson skoraði fjórða mark KR á 73. mínútu og með því féll markamet ÍA. Aðeins fjórum mínútum síðar bætti Galdur Guðmundsson við fimmta marki gestanna.
KR hefur því skorað 64 mörk í deildinni í sumar.
Þrátt fyrir gríðarlegan markafjölda er KR enn sex stigum á eftir toppliði Víkings. Baráttunni er þó langt frá því lokið enda eiga liðin eftir að mætast tvisvar áður en tímabilinu lýkur.
