Erling Braut Haaland gagnrýnir á samfélagsmiðlum hversu lengi Kylian Mbappe þurfti að bíða áður en fékk að taka vítaspyrnu í leik Frakklands og Marokkó á HM gær.
Mbappe fékk vítaspyrnuna eftir brot Noussair Mazraoui, en myndbandsdómgæslan skoðaði atvikið í rúmar þrjár mínútur áður en vítaspyrnan var staðfest.
Þegar Mbappe loks steig á punktinn varði Yassine Bounou spyrnuna og Frakkinn lét óánægju sína í ljós gagnvart dómaranum.
Haaland tók undir gagnrýnina á samfélagsmiðlum og skrifaði á Snapchat: „Að þurfa að bíða í fimm mínútur eftir að taka vítaspyrnu er allt of langur tími.“
Athygli vekur að Haaland er auðvitað sjálfur leikmaður á mótinu, en hann og norska landsliðið mætir Englandi í 8-liða úrslitum annað kvöld.
Vítaklúðrið kom ekki að sök fyrir Mbappe og Frakka. Hann bætti upp fyrir það með glæsimarki í 2-0 sigri.
