Spænska landsliðið setti í gær met á HM með því að halda hreinu í sex leikjum í röð (fimm á þessu móti og einn árið 2022).
Spánverjar unnu Portúgal 1-0 í 16-liða úrslitum og hafa enn ekki fengið á sig mark á HM vestanhafs. Þar með sló liðið fyrra met Ítalíu frá 1990 og Sviss frá HM 2006 og 2010, en þau lið héldu hreinu í fimm leikjum í röð.
Unai Simon hefur verið lykilmaður í marki Spánverja og hefur nú varið mark liðsins í 609 mínútur án þess að fá á sig mark á HM.
Það er einnig nýtt einstaklingsmet og bætir hann þar með fyrri met Walter Zenga og Iker Casillas.
Spánn mætir næst Marokkó í 8-liða úrslitum HM.
